сабота, 18. септември 2021. Вести денес: 45
home Останати спортови

Дејвис куп: Македонија ја совлада Албанија

Србљак без загубен гејм го совлада Арбер Сулстарова, а Грабул со 6:3 и 6:0 беше подобар од Марио Зили.
Дејвис куп: Македонија ја совлада Албанија

Македонската тениска репрезентација оствари максимална победа од 3:0 против Албанија на турнирот во Пловдив во рамките на Дејвис купот.

Стефан Мицов и Ѓорѓи Јанкуловски во двојки убедливо ги совладаа Генајд Шипеја и Елби Мештри со 2:0 во сетови (6:2, 6:2).

Претходно, првите два поени за Македонија ги донесоа Горазд Србљак и Димитар Грабул.

Србљак без загубен гејм го совлада Арбер Сулстарова, а Грабул со 6:3 и 6:0 беше подобар од Марио Зили.

Македонските тенисери вчера го совладаа Исланд со 2:1. Србљак и Грабул ги добија сингл мечевите, а Јанкуловски и Мицов го загубија натпреварот во двојки.

Тениската селекција на Македонија утре ќе се соочи со домаќините, репрезентација на Бугарија, во борба за првото место.

(Миа)

Коронавирус