четврток, 15. април 2021. Вести денес: 0
home Останати спортови

17 гимнастичари поднеле тужба против злоставување

17 гимнастичари поднеле тужба против злоставување

Седумнаесет гимнастичари во Велика Британија денеска поднесоа тужба против националното раководно тело Бритиш Гимнастикс (British Gymnastics), тврдејќи дека биле злоставувани.

Групата, во која има тројца олимпијци, испратила писмо до Агенцијата обвинувајќи ги тренерите за физичко и психичко малтретирање.

„Злоставувањето го извршиле тренерите и други вработени во Бритиш Гимнастикс во различни клубови низ Велика Британија, сите поврзани со раководното тело“, се вели во изјавата на адвокатот на поранешните гимнастичари.

Наводите во тужбата вклучуваат „несоодветна употреба на физичка сила од страна на тренерот против гимнастичарите, вклучително и физички напад“.

Во времето на наводното злоставување, гимнастичарите биле на возраст од шест до 23 години, а сегашниот старосен опсег на тужителите е помеѓу 15 и 43 години.

Гимнастичарите тврдат дека биле „малтретирани“ и „насилно казнувани“, што, како што велат, предизвикало психолошки повреди, вклучително и депресија и посттрауматско стресно нарушување.

Коронавирус