Тимот на Голден Стејт Вориорс успеа да слави над Минесота Тимбервулвс на отварањето на оваа полуфинална серија на Западот, но оваа средба донесе и една лоша вест за клубот од Сан Франциско.
Тоа е повредата на најдобриот играч, моторот на екипата Стеф Кари кој беше активен само 13 минути за кои уфрли 13 поени. Тој не можеше да продолжи и стана јасно дека повредата не е наивна што и се потврди по деталните медицински прегледи.
Имено плејмејкерот има проблем со мускулот и ќе биде во аут најмалку една недела или поточно по тој период ќе има нови тестирања. Ова значи дека Кари ќе пропушти најмалку три натпревари од оваа серија што е голем удар на поранешниот НБА шампион.