понеделник, 8. март 2021. Вести денес: 1
home Кошарка

Тренерот на МЗТ после победата над Хелиос во АБА лигата: Правевме невидени грешки

Тренерот на МЗТ после победата над Хелиос во АБА лигата: Правевме невидени грешки

Тренерот на МЗТ Скопје Аеродром, Ѓорѓи Кочов упати критики на адреса на своите кошаркари, и покрај триумфот над екипата на Хелиос од 70:69 во АБА 2 лигата.

Македонскиот првак синоќа со многу среќа во драматична завршница стигна до својот четврти триумф во регионалната лига, откако словенечкиот тим се врати од негатива од 12 поени во последната четвртина и испушти шанса за победа во завршните секунди од натпреварот.

-Ваква неодговорност и грешки, какви што ние ги правевме во финишот, досега немам видено. Единствена добра работа е што тие го промашија тој последен шут и што ние стигнавме до победата. Среќа е што сме овде сите заедно, па уште веднаш ќе почнеме со корекција на сите грешки што ги направивме, изјави Кочов по натпреварот.

Феми Олуџоби со 16 поени беше најпрецизен во македонскиот тим, додека Андрија Бојиќ постигна 12, а Андреј Магдевски 10 поени, додавајќи шест скокови и седум асистенции.

МЗТ Скопје Аеродром има ефект од четири победи и еден пораз во пресрет на следниот дуел на турнирот во Бања Лука против Слобода Ужице, закажан за в петок.

Коронавирус