понеделник, 6. јули 2020. Вести денес: 236
МЕГА БОМБА

Нова аудио бомба: Се гледам со Вице, дадоа зелено светло да му се зaпaли колата, Трајче Заев даде црвен картон да не работи ништо

home Кошарка

Новата сезона во АБА ќе почне на 19 септември

Новата сезона во АБА ќе почне на 19 септември

На денешното Собрание на клубовите од регионалната кошаркарска АБА лига одржано преку видео-врска, донесена е одлука новата сезона да започне на 19 септември.

Основниот дел од сезоната ќе трае до 28 март 2021 година, додека плеј-офот треба да започне на 4 април 2021 година.

Собранието донесе одлука дека и АБА Лигата и АБА Лига 2 ќе бидат составени од 14 клуба до сезоната 2024/25.

Во согласност со потврдениот систем на натпреварување, последнопласираниот тим на АБА-лига нема да има право да учествува на ова ниво на натпреварувањето во наредната сезона, додека 13-пласираниот тим на АБА-лигата и финалистот на АБА Лига 2 ќе се соочат едни со други во баражот за АБА-лигата.

Поради пандемијата на коронавирус откажан е Суперкупот на АБА 2020/21 година.

Доколку Приморска, која има финансиски проблеми не се откаже од натпреварувањето, МЗТ Скопје Аеродром ќе остане во АБА 2, каде во новата сезона, од македонските клубови ќе игра и Работнички.

Парламентарни избори 2020