недела, 20. септември 2020. Вести денес: 63
home Кошарка

Несуденото големо засилување на Работнички потпиша за тим од Италија!

Несуденото големо засилување на Работнички потпиша за тим од Италија!

Американецот, кој требаше да биде големо засилување за Работнички во сезоната 2018/19, а кој не настапи на ниту еден меч поради задоцнета регистрација, Ксавиер Џонсон (27 год, 201 см), кариерата ќе ја продолжи во Италија и тоа во дресот на Капо ди Орландо.

Станува збор за поранешен италијански претставник во Лигата на шампионите, кој сега настапува во А2-лигата, со желба да се врати на старите победнички патеки. Џонсон во овој тим доаѓа по престојот во соседна Бугарија, каде што го носеше дресот на Рилски спортист и тоа со просек од 16,7 поени и 7,7 скока. Претходно, играше за Колорадо универзитетот во НЦАА-лигата, како и за тимот на Тексас леџендс од развојната Џи-лига.

Американскиот кошаркар потпиша договор со Работнички лани во април, но центарци не го запазија рокот за негово пријавување во КФМ, поради што тој не доби право за настап во Суперлигата и плејофот. Тимот од „Градски парк“ поради ова влезе во војна со тогашниот претседатело на Куќата на кошарката, Петар Наумоски, но крајниот епилог остана ист, откако и Арбитражната комисија ја одби регистрацијата на Џонсон.

Коронавирус