Најдобриот кошаркар на Мундобаскетот во Кина, Рики Рубио, даде емотивна изјава на прес – конференцијата по финалниот меч.

Рубио одигра одлично финале против Аргентина, кое Шпанија го доби со 95-75 и постигна 20 поени. По натпреварот, Рубио беше прогласен за МВП на турнирот, а после тоа даде многу тажна изјава.

Ја загубив мајка ми пред три години. Таа беше зад мене, ме туркаше секој ден. Знам дека нема никој на овој свет кој ме сака повеќе од неа. Таа сè уште ме носи нанапред, секој ден. Дури и кога не е тука, чувствувам дека е, изјави Рубио, чие сеќавање на неговата покојна мајка очигледно му даде сила да одигра добар турнир во Кина.

Инаку, Рубио, исто така е во најдобрата петорка на турниротв во Кина, заедно со Богдановиќ, Фурние, Марк Гасол и Скола.

Ricky Rubio: “I lost my mom three years ago. She was behind me and pushing me every day to get the best out of me. I know there’s nobody in this world who loved me more than her. She’s still driving me every day. Even if she’s not here, I feel it.”#FIBAWC pic.twitter.com/dUVGaMsVQD

— Eurohoops.net (@Eurohoopsnet) September 15, 2019

Шпанецот во просек имаше 15.9 поени, нешто повеќе од шест асистенции и четири скока по натпревар.