сабота, 22. септември 2018. Вести денес: 36
home Кошарка

Македонија ја совлада Данска на ЕП за кошаркари до 16 години

Македонија ја совлада Данска на ЕП за кошаркари до 16 години

Кадетската репрезентација на Македонија убедливо ја совлада Данска со 99:89 на Европското првенство (дивизија Б) за кошаркари до 16 години што се одржува во Сараево.

Данска одлично го започна натпреварот, а во првата четвртина водеше и со осум поени разлика. Но, македонските кошаркари во втората четвртина успеаја да се консолидираат и да се вратат во игра.

Во третиот и четвртиот период избраниците на Александар Јованчев го диктираа темпото на игра и направија целосен резултатски пресврт.

Марко Миловановиќ со 30 поени, седум скока и четири асистенции беше најефикасен во македонската репрезентација, а Андреј Андоновски постигна 22 поени.

Македонија утре ќе се соочи со репрезентацијата на Норвешка.