вторник, 13. ноември 2018. Вести денес: 1
home Кошарка

Леброн со првиот „трипл-дабл“ за Лејкерси

Леброн со првиот „трипл-дабл“ за Лејкерси

Леброн Џејмс го забележа својот прв „трипл-дабл“ во дресот на Лос Анџелес Лејкерс во НБА. Ѕвездата заврши со 28 поени, 11 скока и 11 асистенции за победа на Лејкерси од 121:114 против Денвер.

Домаќините постигнаа серија од 19:4 во финалниот период од натпреварот. Кајл Кузма заврши со 22 поени, додека неговиот колега, Џавеил Мекги, постигна 21 поен за победниците. Мекги завршува со над 20 поена во два последователни натпревара во НБА првпат по 2012 година, кога го носеше дресот на Вашингтон.

Ова е втор успех за Лос Анџелес во новата сезона и деби победа пред сопствената публика. Николас Јокиќ постигна 24 поени и 11 скокови за Денвер.

Решавачка тројка на Маркус Морис на 28.7 секунди пред крајот го обезбеди успехот на Бостон со 101:95 против домаќинот Оклахома Сити. Шутот на Морис ја оформи серијата од 16:1 во корист на Селтикс во последните 4,14 минути од натпреварот. Џејсон Тејтум беше најпрецизен за победниците со 24 поени, додека клупскиот колега Морис додаде уште 21 поен и 10 скока. Ал Хорфорд додаде уште 19 поени. Пол Џорџ беше најуспешен за „Громовите“ со 22 поена.

Портланд победи со 128:114 како гостин на Орландо. Демиен Лилард постигна рекордни 41 поен, вклучувајќи и 19 во третиот период. Си Џеј МекКалум додаде уште 22 поени за „Блејзерс“. Николас Вучевиќ постигна 24 поени и зеде 11 скока за „магичните“.

Андре Драмонд, пак, постигна 26 поени за Детроит при успехот со 110: 103 дома над Кливленд. Блејк Грифин додаде уште 26 поени и 10 скока под кошот. Кајл Корк беше најдобар за Кавалирс со 21 поен.

МИА