петок, 28. февруари 2020. Вести денес: 2
Актуелна тема

Од минута во минута за ситуацијата со коронавирусот во Македонија и светот

home Кошарка

„Го натера тоа 11-годишно момче да си го брка сонот“: Македонскиот кошаркар со емотивна порака по смртта на Коби

„Го натера тоа 11-годишно момче да си го брка сонот“: Македонскиот кошаркар со емотивна порака по смртта на Коби

Дарко Димковски е млад македонски кошаркар кој  игра во неверојатна сезона во дресот на германскиот регионален лигаш ТС Швертер од Дортмунд.

Екс-кошаркарот на АВ Охрид од мал го сонува успехот во кој ужива денес.

По смртта на легендарниот Коби Брајант, нашиот Дарко со емотивна порака до својот идол поради кој, како што вели, е благословен да ја игра оваа игра.

„Беше лето во 2002. За првпат го видов Коби како игра. Потезите му беа нереални и инспиративни. Јас бев 11-годишно момче кое во моментот се вљуби во кошарката и знаев кој е одговорен за тоа.

Подоцна, кога почнав да играм, научив повеќе за оваа неверојатна работна етика и посветеност. Поради тоа ми беше уште поголем идол. Пораснав во Европа во различна временска зона и имав многу непреспиени ноќи, останував буден до доцна само за да го гледам како игра.

Илјадници пати ги гледав снимките од неговите најдобри моменти неверојатно е како сѐ уште ме мотивира. Секој пат. Ми се насолзија очите кога му го гледав последното натпревар на кој постигна неверојатни 60 поени.

Не те познавав, Коби, ама ти имаше огромно влијание во мојот живот. Го натера тоа 11-годишно момче да си го брка сонот и благословен сум што и денес ја играм оваа игра.

Секогаш ќе те паметам како најдобриот“-напиша Дарко на Фејсбук.