понеделник, 6. јули 2020. Вести денес: 281
МЕГА БОМБА

Нова аудио бомба: Се гледам со Вице, дадоа зелено светло да му се зaпaли колата, Трајче Заев даде црвен картон да не работи ништо

home Кошарка

Евролигаши од Шпанија во жестока битка за потписот на нашиот Димитријевиќ!

Евролигаши од Шпанија во жестока битка за потписот на нашиот Димитријевиќ!

Повеќе од добрите игри во изминативе неколку сезони во дресот на Хувентуд е причината што два евролигашки тима од Шпанија да ја почнат битката околу потписот на македонскиот кошаркарски репрезентативец, Ненад Димитријевиќ.

Според „Инсајд баскет“, станува збор за екипите на Валенсија и на Басконија, кои во прекинатата сезона во Евролигата беа пласирани на 10. односно 13. место на табелата. Челниците на двата члена на шпанската ЕНДЕСА-лига во Македонецот гледаат долгогодишно решение за плејмејкерската позиција, на кого, ако продолжи да се развива со исто темпо, дури и би можеле да заработат во иднина.

Димитријевиќ својата четврта сезона во Хувентуд ја заврши со просек од осум поени, 3,3 асистенции и 1,7 скока во шпанската лига, односно со просек од 11,9 поени, 3,9 асистенции и 1,6 скока во Еврокупот. Репрезентативец на Македонија има уште една година од актуелниот договор со составот од Бадалона, но доколку летово дојде примамлива понуда, може да се случи и да ја промени на средината, особено поради фактот што тимови што се заинтересирани за него и следната сезона ќе играат во Евролигата.

Парламентарни избори 2020