вторник, 13. ноември 2018. Вести денес: 1
home Кошарка

Ембид со 41 поен при успехот на Филаделфија, Бостон го нанесе првиот пораз на Милвоки

Ембид со 41 поен при успехот на Филаделфија, Бостон го нанесе првиот пораз на Милвоки

Џоел Ембид реализира 41 поен и 13 скока во победата на Филаделфија над Лос Анџелес Клиперс со 122:113 во средба од регуларната сезона на НБА.

Ова е шести натпревар за Ембиид од почетокот на сезоната, во кој тој бележи барем 30 поени и 10 скока.

Бен Симонс додаде 14 поени и 11 асистенции за успехот, а Филаделфија има пет последователни домашни победи од почетокот на кампањата.

За Клиперс, Лу Вилијамс се истакна со 26 поени, а Данило Галинари постигна 25. Тобајас Харис заврши со 24 поени.

Бостон пак му го нанесе првиот пораз за сезоната на тимот на Милвоки, откако го совлада со117: 113.

Кајри Ирвинг постигна 28 поени, шест од нив од линијата за три поени, а Бостон заврши со рекордни 24 тројки во мечот.

За Милвоки, Јанис Антетокунбо се врати во игра откако пропушти еден натпревар и беше најкорисен за Бакс со 33 поени и 11 скока.

 

Резултати од НБА:

Филаделфија – Лос Анџелес Клиперс 122:113

Кливленд – Денвер 91:110

Шарлот – Оклахома Сити 107:111

Атланта – Сакраменто 115:146

Бостон – Милвоки 117:113

Портланд – Њу Орлеанс 132:119.