понеделник, 24. септември 2018. Вести денес: 147
home Кошарка

Блокотехна израмни на 1:1 против МЗТ

Блокотехна израмни на 1:1 против МЗТ

Блокотехна на домашен терен го совлада МЗТ Скопје со 106:94 во вториот меѓусебен дуел од полуфиналната серија од плејофот и израмни на 1:1.

Натпреварот во Гевгелија помина во знакот на расположените за игра домашни кошаркари, од кои Двејн Бенџамин постигна 31 поен.

Блокотехна го искористи домашниот терен и презеде инцијативата врз играта, а доминираше на теренот до последната четвртина. Домаќините по седум минути игра имаа двоцифрена предност (24:14), која на крајот од третиот период достигна највисоки плус 18 поени (76:58).

МЗТ се врати во ритам дури во последниот период, кога намали на едноцифрена негатива (75:83). Иако гостите резултатски се приближуваа, сепак тоа не беше доволно за пресврт и Блокотехна ја задржа предноста до крајот за убедлива победа.

Следниот натпревар од серијата се игра во недела во Скопје.

МИА