среда, 18. септември 2019. Вести денес: 31
home Фудбал

Зидан ја започна реконструкцијата на Реал Мадрид

Зидан ја започна реконструкцијата на Реал Мадрид

Екипата на Реал Мадрид го продолжи договорот со уште еден првотимец, додека навивачите нетрпеливо чекаат трансфер-бомби со кои ќе може да се надеваат на враќање на тронот во Шпанија в година.

29-годишниот дефанзивец Начо Фернандез го продолжи договорот со „кралевите“ и останува во тимот до јуни, 2022 година. Новата соработка доаѓа по барање на Перез и Зидан, овој играч да остане во тимот.

Начо е познат како лојален „крал“, затоа што во клубот пристигна во далечната 2001 година како дете, а дебитираше во 2011 година кога тренер беше Жозе Мурињо. Целата кариера тој ја мина во Мадрид, а како што изгледа, тука и ќе ја заврши.

Шпанскиот репрезентативец за Реал Мадрид досега одигра 128 меча, на кои постигна шест гола. Пред Начо, договорот со шпанскиот гигант го продолжи и Тони Крос.