четврток, 5. август 2021. Вести денес: 92
home Фудбал

Варан го напушта Реал Мадрид, веќе е позната и иднината на одличниот дефанзивец

Варан го напушта Реал Мадрид, веќе е позната и иднината на одличниот дефанзивец

Францускиот дефанзивец Рафаел Варан очигледно ќе го напушти Реал Мадрид ова лето. 28-годишниот дефанзивец има договор со „кралевите“ до крајот на следната сезона и ја одби можноста за продолжување на соработката. Затоа Реал Мадрид не сака Варан да оди без обештетување следното лето и тие се подготвени да го продадат во овој трансфер период.

Варан пристигна во Реал Мадрид пред една година од Ленс кога му беа платени десет милиони евра и се покажа како полн погодок за клубот од „Сантијаго Бернабеу“. Сепак, претходните две сезони на Варан не беа баш на високо ниво, поради што го загуби местото како стартер. Тој имаше пристојна минутажа оваа сезона, но најмногу поради фактот што Серхио Рамос беше често повреден.

Шпанските медиуми веќе со недели шпекулираат дека Варан нема намера да го продолжи договорот со „кралевите“ и дека неговата желба е да го смени клубот ова лето и да си најде себеси нов предизвик. Варан се поврзува со неколку клубови, а пред неколку дена „Марка“ објави дека најголем интерес за него покажале ПСЖ и Челси.

Сепак, денес пристигнуваат нови информации за Рафаел. Некои француски медиуми објавија дека Варан е решен да се врати во Франција по десет години и да ја продолжи кариерата во ПСЖ. Наводно, дефанзивецот на Реал му рекол на Флорентино Перез дека сака да го напушти клубот и да потпише за ПСЖ, и се надева дека претседателот нема да му прави проблеми кога ќе пристигне понудата од Париз.

„Ле Паризиен“ денес објави дека ПСЖ е подготвен да издвои околу 60 милиони евра за Варан, што секако би било голема добивка за „Кралскиот клуб“. Исто така, Варан се очекува да потпише договор до летото 2025 година, според кој ќе заработува околу десет милиони евра годишно. Официјалната потврда за трансферот треба да се случи на почетокот на следниот месец.

Коронавирус