петок, 26. ноември 2021. Вести денес: 152
home Фудбал

Рајола: Прашајте го Манчестер јунајтед за продолжување на договорот со Погба

Рајола: Прашајте го Манчестер јунајтед за продолжување на договорот со Погба

Агентот на Пол Погба, Мино Рајола вели дека нема информации поврзани со продолжувањето на договорот со Манчестер јунајтед и ги упати новинарите да го прашаат клубот.

Договорот на Пол Погба со Манчестер јунајтед истекува по крајот на оваа сезона и неизвесно е дали ќе го продолжи или ќе замине.

Погба во голем стил ја почна новата сезона и се чинеше дека само прашање на време е кога ќе стави потпис на нов договор, но во меѓувреме работите се променија.

Тој го загуби местото во првиот тим и на последните натпревари на Манчестер јунајтед влегува од клупата. На последниот меч, дуелот со Ливерпул направи и глупост откако доби директен црвен картон.

Сега Погба повторно се поврзува со заминување од Манчестер јунајтед, а на Рајола не му се зборува многу на оваа тема.

„Треба да го прашате Манчестер јунајтед за продолжување на договорот на Погба. Во овој момент се е мирно. Нема нови моменти“, изјави Рајола.

Веројатно влијание врз одлуката на Погба ќе има и наследникот на Оле Гунар Солшер кој се очекува наскоро да пристигне.

Коронавирус