четврток, 27. февруари 2020. Вести денес: 31
Актуелна тема

Од минута во минута за ситуацијата со коронавирусот во Македонија и светот

home Фудбал

ПСЖ пред голем предизвик, на „Паркот на принцовите“ доаѓа Ливерпул

ПСЖ пред голем предизвик, на „Паркот на принцовите“ доаѓа Ливерпул

Еден од најскапите европски тимови, Пари Сен Жермен се наоѓа во многу незавидна ситуација во Лигата на шампионите. „Светците“ во пресрет на петтото коло се трети на табелата и во опасност да не ја поминат групната фаза, нешто што им се нема случено цели 14 години.

Вечерва во Париз гостува Ливерпул и евентуален пораз на ПСЖ и победа на Наполи дома над Црвена ѕвезда ќе значи многу ран крај на амбициите за европски трон на францускиот првак.

Тренерот Томас Тухел е свесен за тешката задача да се совлада премиерлигашот на чие тренерско место се наоѓа неговиот сонародник Јирген Клоп.

– Не очекува дуел со една од најдобрите европски екипи. Ливерпул знае како се игра и како се освојува ЛШ. Мораме добро да се подготвиме и да ги запреме нивните офанзивци. На клупата го имаат Клоп кој внесе нова енергија во тимот, изјави Тухел.

Натпреварот ПСЖ – Ливерпул почнува во 21 часот.

МИА