Од улиците на Струмица до врвот на европскиот фудбал. Од соништата на едно дете до историјата што ќе се памети засекогаш. Ова не е само фудбалска приказна. Ова е животна лекција за упорност, скромност и бескрајна љубов кон татковината.
Во оваа специјална емисија ќе го проследиме патот на Горан Пандев, човекот кој стана симбол на надежта и обединувачка сила на еден народ. Ќе се потсетиме на неговите први чекори во фудбалот, на годините во Лацио, Наполи и незаборавната сезона со Интер, кога го освои сѐ – вклучувајќи ја и Лигата на шампиони.
Но, она што најмногу ќе го паметиме е моментот кога, предводејќи ја Македонија, ја внесе нашата држава во историјата – на Европско првенство.Со него ќе разговараме за тие мигови на слава, за личните жртви зад успехот, за неговото семејство, пријателите и тимовите кои му го променија животот.
Што значи да останеш скромен, дури и кога светот ти аплаудира? Како изгледа животот по последниот свиреж на судијата? И што е следно за капитенот?!