четврток, 3. декември 2020. Вести денес: 0
home Фудбал

Новата сезона во ЛШ ќе почне на 21 октомври?

Новата сезона во ЛШ ќе почне на 21 октомври?

Откако УЕФА практично расчисти сè во календарот за да се доиграат националните првенства во следниот период и тоа летово, поради пандемијата со коронавирус, новата сезона 2020/21 ќе почне со добро закаснување, а веќе еден термин за старт на најпрестижното натпреварување Лигата на шампионите наводно е познат.

Актуелната сезона која треба да се доигра е поместена за јули и август, а новата сезона би требало да почне на 21 октомври. Овој термин наводно е веќе избран како најпогоден, што би значело старт на сезоната за еден месец подоцна од традиционалниот почеток, кој е секојпат во втората половина од септември.

Засега нема потврда за ова од УЕФА, но многу угледни медиуми денеска го објавија датумот, кој практично е врзан со серијата поместувања поради пандемијата. УЕФА вторпат ги одложи баражите за Евро 2020, сега за септември годинава, а за очекување е дека во новата сезона нема да има зимска пауза, ама и дека Лигата на нации и нејзината втора сезона ќе се укине за да се направи простор за термини. Некои земји дури најавија дека ќе ги укинат куп-мечевите.

Продолжувањето на оваа сезона направи проблем и за следната, зашто таа освен што ќе почне со задоцнување, практично ќе мора да заврши до мај за да се отвори еден месец простор пред стартот на презакажаното Евро 2020.

Коронавирус