понеделник, 2. август 2021. Вести денес: 34
Во живо

Мицкоски во Ташмаруништа, Мисајловски во Скопје, Николоски во Крушево по повод денешниот празник

home Фудбал

Неверојатно: Хрватите играле со погрешен грб на дресовите на Европското првенство

Неверојатно: Хрватите играле со погрешен грб на дресовите на Европското првенство

Хрватската фудбалска репрезентација по поразот од Шпанија беше елиминирана во осминафиналето на Европското првенство, но сега се крена прашина поради работи што немаат никаква врска со фудбалот.

Се покажа дека хрватските фудбалери го одиграа Европското првенство во дресови со контроверзен грб, односно усташката шаховска табла, која започнува и завршува со бел терен.

На оваа тема пишуваа и медиумите во Хрватска, известувајќи дека хрватската експедиција го открила пропустот дури по враќањето во Ровињ.

Оригиналниот хрватски грб започнува и завршува со црвени полиња. Останува да видиме дали УЕФА ќе се произнесе по ова прашање.

– Спортската опрема на хрватската репрезентација ја прави компанијата „Ситотисак Деколор“, вклучувајќи ги и знамињата на земјите за индивидуални натпревари. За жал, настана ненамерна грешка при рачниот векторски цртеж, а потоа и при печатењето на хрватското знаме во пресрет на Европското првенство, што потоа не беше забележано.

Хрватската фудбалска федерација (ХНС) ќе побара одговорност од компанијата „Ситотисак Деколор“ и внатрешно ги дисциплинира вработените одговорни за овој ненамерен пропуст, за што им се извинуваме на јавноста и на хрватските навивачи. Секако, ХНС ја отфрла секоја мисла дека тоа би било намерно нарушување на хрватскиот грб, што хрватските репрезентации со години гордо го претставувале низ целиот свет – изјавија за Индекс од хрватската фудбалска федерација.

Инаку Хрватите го завршија настапот на ЕП после поразот од Шпанија во осминафиналето.

Коронавирус