сабота, 26. септември 2020. Вести денес: 67
home Фудбал

Македонската репрезентација обезбеди најдобар пласман во еден квалификациски циклус

Македонската репрезентација обезбеди најдобар пласман во еден квалификациски циклус

Со голот на Бобан Николов постигнат во финишот на првото полувреме, македонската фудбалска репрезентација синоќа го совлада Израел со 1:0.

Трите бода сосема заслужено останаа во Скопје, а триумфот на „црвено-жолтите“ можеше да биде поубедлив доколку на Националната арена „Тодор Проески“ беа искористени уште некои од десетината шанси.

Избраниците на селекторот Игор Ангеловски го обезбедија третото место во Г-групата од квалификациите за ЕУРО 2020, што претставува најдобар пласман на македонската А-селекција во еден квалификациски циклус од осамостојувањето до денес.

Во прилог на македонските фудбалери оди и победата (3:2) на Полска на домашен терен над Словенија, резултат по кој Словенците паднаа на четвртата позиција.

Пласман на ЕП обезбедија двете првопласирани селекции, Полска и Австрија. Израел заврши на петтата позиција, додека последна е Летонија со само три бода освоени вечерва на мечот со Австрија.

Коронавирус