вторник, 18. февруари 2020. Вести денес: 67
home Фудбал

Македонската репрезентација ги доби ривалите за место во Елитна фаза за ЕП за фудбалери до 19 години

Македонската репрезентација ги доби ривалите за место во Елитна фаза за ЕП за фудбалери до 19 години

Македонската фудбалска репрезентација до 19 години ќе игра во групата 5 со Чешка, Данска и Албанија во квалификациите за пласман во Елитна фаза за Европско првенство.

Квалификацискиот турнир ќе се игра во Чешка од 7 до 10 октомври 2020 година.

Селекторот Шкумбин Арслани смета дека неговите избраници имаат реални шанси да обезбедат место на едно од првите две места во групата.

– Групата во која се наоѓаме не е најтешка, но ниту наивна. Противниците се доста сериозни и навистина треба добро да се подготвиме доколку сакаме да минеме во Елитна фаза квалификации. Имаме доста време за анализа и подготовка, а за мене е значајно ние да бидеме максимално подготвени и во полн состав. Данска е фаворит, Чешка игра на домашен терен, но за нас тоа не менува премногу. Ќе ја бараме својата шанса, а целта е да бидеме меѓу двете најдобри репрезентации кои ќе обезбедат место во следната фаза за Европско првенство, изјави Шкумбин Арслани за веб-страницата на ФФМ.