среда, 19. септември 2018. Вести денес: 170
home Фудбал

Куртоа: Навивачите на Челзи ме мразат без да ја знаат вистината

Куртоа: Навивачите на Челзи ме мразат без да ја знаат вистината

Белгискиот голман Тибо Куртоа ги налути навивачите на Челзи, откако се појавија бројни контроверзи околу неговиот трансфер во Реал Мадрид.

Тој стана најомразен играч во лондонскиот клуб, по гласините дека Куртоа прво одбил да потпише нов договор, па потоа дури и започнал штрајк се со цел да замине од Челзи.

– Навивачите ме мрзат, а не ја знаат целата вистина. Во март решив да заминам, а клубот ја прифати мојата одлука. Кога трансферот беше завршен не сакав да се појавувам за да не им пречам на соиграчите и на тренерот, истакна Куртоа.

Тој дополнително го навлече гневот на навивачите на Челзи, кога по заминувањето во Мадрид изјави дека тоа е трансфер на повисоко ниво.

– Kога доаѓав во Реал реков дека тоа преминување во повисоко ниво, но не сакав да „газам“ по поранешниот клуб. Луѓето тврдеа дека сум кажал, дека во Челзи нема квалитет. Тоа не е вистина. Никогаш такво нешто не сум помислил. Едноставно поинаку е на тренинзите, во Реал тоа оди некако побрзо и поквалитетно, но тоа не значи дека во Челзи не постои квалитет, истакна Куртоа.

Куртоа беше прогласен за најдобaр голман на Светското првенство во Русија, а во Реал  замина со трансфер во висина од 35 милиони евра.