Флорентино Перез и Зинедин Зидан разочарани од последната сезона на Реал Мадрид во претстојниот преоден рок се очекува „кралскиот клуб“ да го засилат со неколку фудбалери.
Во прв план е доаѓањето на Еден Азар, чиј трансфер според многумина веќе е завршена работа, а сега веќе се обелодени и шпекулација дека се започнати преговори со Мохамед Салах, вест која ја пренесе новинар на „Канал плус“.
Real Madrid’s next priority after Hazard is to make another signing, creating an amazing attacking force. With Zidane wanting to get rid of Gareth Bale, they want Liverpool’s Mohamed Salah as the ‘main source’. [@Canalplus_sport] #LFC pic.twitter.com/0TC2AigBaV
— LFC Transfer Room (@LFCTransferRoom) May 16, 2019
Со доаѓањето на Салах на „Сантијаго Бернабеу“, Зинедин Зидан би го решил својот главен проблем, а тоа е напаѓачката линија, каде тимот минатата сезона зависеше само од Карим Бензема. Салах за тимот на Ливерпул одигра 103 натпревари и постигна 70 гола, со што е еден од најдобрите напаѓачи во изминатите години.
Дали оваа нова желба на „кралевите“ и ќе се реализира останува да покаже периодот кој следи, но едно е сигурно – Реал Мадрид ќе направи голема реконструкција, а за тоа Зинедин Зидан на располагање ќе има околу 500 милиони евра.
Извор: gol.mk
