недела, 24. јануари 2021. Вести денес: 0
home Фудбал

Крај на една кариера полна трофеи: Славниот италијански фудбалер замина во пензија (ВИДЕО)

Крај на една кариера полна трофеи: Славниот италијански фудбалер замина во пензија (ВИДЕО)

Некогашниот италијански фудбалски репрезентативец Алберто Џилардино одлучи да стави крај на играчката кариера, пренесува Газета дело спорт.

Членот на шампионскиот им на Азурите од Мундијалот во 2006 година и некогашен голгетер на Пјаченца, Верона, Парма, Милан, Џенова, Болоња и кинескиот Гуангжу минатата сезона ја помина во Специја.

Џилардино има 36 години, а неодамна запиша тренерска школа , а пред да се пензионира ја одби понудата од матичната Пјаченца, која во моментов игра во Серија Ц.

Тој имаше доста успешна кариера и своевремено беше голема ѕвезда на италијанскиот фудбал, иако експертите велат дека не го достигна нивото кое од него се очекуваше, но и покрај тоа неговата бројка од 188 голови во Калчото е импозантна.

Со Милан ја освои Лигата на шампионите, УЕФА Суперкупо, Светското клупско првенство, но главно беше резерва на Филипо Инзаги, а има титула и со Гуангжу Евенгард во Кина.

Со селекцијата на Италија беше младински европски првак, има олимписка бронза во Атина во 2004 година, а секако најголем успех му светскиот пехар во 2006 година во Германија.

На тој турнир почна како стартер, даде гол во групната фаза против САД и му асистираше на Дел Пиеро во полуфиналето против Германија. На 60 натпревари за националниот тим постигна 19 голови.

Коронавирус