понеделник, 25. октомври 2021. Вести денес: 164
home Фудбал

Конте демантира преговори со Арсенал

Конте демантира преговори со Арсенал

Шпекулации се наводите дека Антонио Конте е во преговори да седне на клупата на премиерлигашот Арсенал, пренесуваат италијанските медиуми, повикувајќи се на менаџерскиот тим на 52-годишниот фудбалски стратег.

Конте е без тренерски ангажман од минатото лето, кога неочекувано по недоразбирање со клупското раководство го напушти кормилото на Интер, откако минатата сезона им ја донесе на „нероаѕурите“ првата шампионска титула по пауза од една деценија.

Конте е цврст во одлуката да одмори од фудбалот и во оваа фаза не води преговори со ниту еден клуб, наведуваат италијанските медиуми, по информациите, кои овој месец се појавуваат во повеќе европски медиуми дека поранешниот тренер на Интер ќе го наследи Микел Артета во Арсенал. (МИА)

Локални избори 2021