вторник, 22. јуни 2021. Вести денес: 20
home Фудбал

Јубилејна победа за Гвардиола: 200 пати “браво“ за Пеп

Јубилејна победа за Гвардиола: 200 пати “браво“ за Пеп

Шпанскиот фудбалски тренер Пеп Гвардиола ја запиша вечерва својата јубилејна 200-та победа на клупата на Манчестер сити, откако премиерлигашот обезбеди пласман во четвртфиналето на англискиот ФА куп со гостински триумф над второлигашот Свонси со 3:1.

Екипата предводена од 50-годишниот Гвардиола веќе на почетокот на вториот дел обезбеди сигурна предност на гостувањето во Свонси со головите на Кајл Вокер (30), Рахим Стерлинг (47) и Габриел Жезус (50). Ддомаќините до крајот на натпреварот постигнаа почесен гол преку Морган Вајтекер во 77 минута.

Гвардиола седна на клупата на Манчестер сити во 2016 година и на 268 натпревари досега има ефект од 200 победи, 37 порази и 31 нерешени натпревари.

За Манчестер сити ова беше 15 последователна победа во сите натпреварувања, што е најдолга серија во англискиот фудбал на клуб од Премиерлигата.

Манчестер сити, исто така, е во серија од 22 натпревари без пораз. Последен пат избраниците на Гвардиола загубија во ноември минатата година од Тотенхем со 2:0. (МИА)

ЕУРО 2020

Македонија