среда, 27. јануари 2021. Вести денес: 102
home Фудбал

Инфантино: ВАР технологијата го направи Мундијалот поправеден

Инфантино: ВАР технологијата го направи Мундијалот поправеден
epa06337796 Italian referee Gianluca Rocchi (2-L) looks at a replay of the video assistant referee (VAR) system during the Italian Serie A soccer match between AS Roma and SS Lazio at the Olimpico stadium in Rome, Italy, 18 November 2017. EPA-EFE/CLAUDIO PERI

Претседателот на ФИФА Џани Инфантино смета дека ВАР технологијата го направила фудбалот почесен, без суштински да го промени.

– Благодарение на ВАР технологијата гледавме почесно првенство. Ова е напредок и подобро е од минатото. ВАР технологијата не го менува фудбалот, туку го прави потранспарентен и им помага на судиите да донесат правилни одлуки. Па така головите од офсајд станаа минато, нагласи Инфантино.

Првиот човек на ФИФА наведе дека во почетокот бил скептичен, но резултатите се позитивни.

– Прифатен е и добро функционира. Кога пред две години почнавме да ја тестираме ВАР технологијата бев скептичен, но резултатите беа јасни и позитивни, истакна претседателот на ФИФА.

Досега на Светското првенство во Русија беа извршени 440 проверки и беа направени 16 корекции на судиските одлуки.

МИА

Коронавирус