недела, 11. април 2021. Вести денес: 0
home Фудбал

Фудбалски прволигаш со кучиња открива заразени со коронавирус

Фудбалски прволигаш со кучиња открива заразени со коронавирус

Белгискиот фудбалски прволигаш Остенде започна со пилот проект за ангажирање кучиња за откривање заразени со коронавирус, во обид да ги намали финансиските трошоци за набавка на ПЦР тестови кога властите ќе ја симнат забраната за присуство на навивачи на стадионите.

Клубот објави на својот официјален сајт дека склучил договор за соработка со локалната агенција за дресура на кучиња „K9 Detection“, истакнувајќи дека ваквиот метод на откривање позитивни случаи на Ковид-19 веќе дава резултати, а со успех се применува и на аеродромите во Финска и во Обединетите Арапски Емирати.

-Неколку играчи во клубот, надушкани од нашите кучиња, добија негативни резултати на коронавирус преку стандардните ПЦР тестови. Осум до девет денови подоцна сите тие беа позитивни на вирусот. Нашите кучиња тоа веќе го открија. Во Остенде беа вчудоневидени и доколку ги следеа нашите инструкции, заразените фудбалери ќе можеа порано да бидат сместени во карантин и да биде спречено ширење на вирусот меѓу другите фудбалери, изјави за клупскиот сајт, Јан Векхујзен од „К9 Detection“.

Коронавирус