вторник, 22. септември 2020. Вести денес: 171
home Фудбал

Фановите на Барселона сакаат да ги знаат овие информации

Фановите на Барселона сакаат да ги знаат овие информации

Во последното интервју кое го даде за „Мундо Депортиво“, претседателот на каталонскиот гигант Барселона, Жозеп Марија Бартомеу, откри каква ќе биде иднината на капитенот Лионел Меси и со кои фудбалери мора да биде продолжена соработката.

Дали Меси ќе потпише нов договор?

-Неколку пати има изјавено дека сака да се пензионира во дресот на Барса и затоа јас немам никаква дилема кога е во прашање продолжувањето на соработката. Освен тој на Меси, приоритено е да се продолжи и соработката со Марк Андре тер-Стеген. Тука не зборам само за неговите голмански квалитети, туку зборам и за неговите човечки квалитети. Фантастична личност. Еден од најдобрите три голмани во светот, а има 28 години, изјави Бартомеу.

Првиот човек на Барса потврди дека каталонскиот гигант се уште е заинтерсиран за услугите на Неимар и на Лаутаро Мартинез и додаде дека е можно да биде продолжена соработката и со Луис Суарез.

Луис Суарез?

-Во неговиот договор има опција за автоматско продолжување на договорот за уште една сезона. Тој има договор до 2021 година и истиот ќе биде продолжен ако одигра одреден број на натпревари во новата сезона. Кога е во прашање Неимар, тука тешко е да се постигне некаков договор ако нема некаква размена на фудбалери. Ние не сме во таква финансиска ситуација за да понудиме само пари. Со Интер разговаравме околу трансферот на Лаутаро, но ги прекинавме преговорите, откри Бартомеу.

На крајот од интервјуто, Бартомеу додаде дека Барса полека но сигрно се врти кон помладите фудбалери.

-Ние веќе имаме седум нови фудбалери. Тука е Педри, млад фудбалер кој поседува невиден талент. Тринкао е непознат играч, кој беше купен во јануари но веќе е најдобар млад фудбалер во Европа. Потоа го имаме Матеус Фернандес, а Миралем Пјаниќ ќе ја донесе потребната сигурност во тимот. Покрај нив, имаме уште тројца помлади фудбалери кои ќе бидат дел од првиот тим, Араухо, Рики Пуиг и Ансу Фати, заврши првиот човек на Барселона.

Коронавирус