понеделник, 18. ноември 2019. Вести денес: 145
home Фудбал

Елмас не се најде помеѓу 20-те финалисти за „Златно момче“

Елмас не се најде помеѓу 20-те финалисти за „Златно момче“

Денеска италијанскиот весник „Тутоспорт“ ја објави финалната листа на 20 фудбалери номинирани за наградата „Златно момче“ за најдобар играч до 21 година.

Нашиот фудбалски бисер Елиф Елмас беше помеѓу 30-те номинирани, но за жал не се најде помеѓу финалистите оваа година. Минатата година оваа награда ја доби Матијс де Лихт, а дефанзивецот повторно е номиниран и оваа година.

Меѓу 20-те финалисте се најдоа и Џанлуиџи Донарума, Моис Кин и Николо Заниоло, кои се тројцата Италијанци на оваа листа. Најголем фаворит за наградата е Жоао Феликс од Атлетико Мадрид, но тука се и Ансу Фати од Барселона, Алфонсо Дејвис (Баерн), Фил Фоен (Манчестер сити), Матео Гендузи (Арсенал), Ерлинг Халанд (Салцбург), Каи Хаверц (Леверкузен), Дејан Јовељиќ (Ајнтрахт), Канг – ин Ли (Валенсија), Андриј Олексијович (Ваљадолид), Даниел Мален (ПСВ), Мејсон Маунт (Челси), Родриго (Реал Мадрид), Винисуис Жуниор (Реал Мадрид), Феран Торес (Валенсија) и Џејдон Санчо (Б. Дортмунд).

Овој избор за најдобар млад фудбалер се организира од 2003 година, а прв добитник е Рафаел ван дер Варт. Освен организаторот „Тутоспорт“ во гласањето учествуваат и други престижни спортски медиуми како „Франс фудбал“, „Кикер“, „Мундо Депортиво“, „Де Телеграф“, „Тајмс“, „Марка“ и други.