петок, 15. октомври 2021. Вести денес: 151
home Фудбал

Џеси Лингард пред неочекуван трансфер во гигант од Ла Лига

Џеси Лингард пред неочекуван трансфер во гигант од Ла Лига

Како што одминува времето станува се појасно дека Џеси Лингард ќе си замине од Манчестер Јунајтед уште во јануарскиот преоден рок со намера да ги задржи шансите за настап на Светското првенство со репрезентацијата на Англија.

Фудбалерот остана во Манчестер Јунајтед со ветување дека ќе добие поголема минутажа од Оле Гунар Солскјер, посебно по одличните настапи за Вест Хем минатата сезона.

Од неговиот актуелен клуб допрва ќе му понудат нов договор откако првата понуда беше одбиена од страна на Лингард, меѓутоа се верува дека фудбалерот ќе го одбие и тој договор.

Според Роб Досон, од „ЕСПН“ Лингард би можел да реализира неочекуван трансфер во јануарскиот преоден рок.

Интерес за него има од Барселона, која е во потрага по играч од офанзивата кој ќе ги пополнува празнините настанати од заминувањата на дел од фудбалерите, како и зачестените повреди на другите играчи од офанзивата.

Освен Барселона, според истиот новинар интерес за Џеси Лингард има и од тимот на Милан.

Коронавирус