петок, 22. ноември 2019. Вести денес: 63
home Фудбал

Динамо Загреб одбил понуда од Лил за Адеми

Динамо Загреб одбил понуда од Лил за Адеми

Хрватскиот клуб Динамо Загреб, во кој настапува македонскиот репрезентативец Аријан Адеми, одбил понуда од француски Лил за својот капитен.

Весникот „Екип“, цитиран од „Вечерњи лист“ објави дека Лил за капитенот на Динамо понудил сума од 4,2 милиони евра.

Динамо е подготвен да го продаде 27-годишниот фудбалер, но чека подобра понуда. Меѓу заинтересираните екипи е и Бордо.

Тој по суспензијата успешно се врати на теренот, а новата сезона во Лигата на шампионите ја почна со два гола на првиот дуел од второто квалификациско коло против Бер Шева.

Македонскиот репрезентативец за хрватскиот клуб има одиграно 190 натпревари.