недела, 24. јануари 2021. Вести денес: 84
home Фудбал

Бекам до Ибрахимовиќ: 500 голови – тоа значи дека си многу стар

Бекам до Ибрахимовиќ: 500 голови – тоа значи дека си многу стар

Ѕвездата на американската МЛС лига Златан Ибрахимовиќ викендов го постигна 500-от гол во кариерата, а за успехот на адреса на шведскиот фудбалер се уште пристигнуваат честитки.

Ибрахимовиќ голот го постигна на натпреварот на кој неговиот тим Лос Анџелес галакси загуби со 3:5 од Торонто.

– Драго ми е за Торонто, ќе останат запаметени како моја 500-та жртва, прокоментира во свој стил шведскиот фудбалер.

Меѓу честитките кои ги доби Ибрахимовиќ, најинтересна е онаа од поранешниот англиски фудбалер Дејвид Бекам.

– Златан ти честитам! 500 голови, каква кариера, каков играч, какво постигнување. Уживање беше да се игра со тебе и против тебе, задоволство е да се биде твој пријател. 500 голови – тоа значи дека си многу стар. Честитам уште еднаш пријателе, истакна Бекам.

Ибрахимовиќ пред крајот на минатата сезона си замина од Манчестер јунајтед и кариерата ја продолжи во Лос Анџелес галакси.

Коронавирус