среда, 19. септември 2018. Вести денес: 170
home Фудбал

Баш му е гајле: Игра во четврта лига, а заработува скоро 3 милиони евра

Баш му е гајле: Игра во четврта лига, а заработува скоро 3 милиони евра

Фудбалерот на Олимпик Марсеј, Ајмен Абденур, чија кариера во последниве години е во целосен пад, сега настапува во четвртата француска лига.

Кога Отаменди ја напушти Валенсија во 2015 година за големи пари, тимот од Местаља веднаш реагираше и го доведе Тунижанецот за 22 милиони евра. Првата сезона беше сосем солиден, но подоцна го загуби местото во првата постава, а подоцна и на клупата.

Поради тоа следеше логичен потег, враќање во Франција, а Марсеј го купи, но не само што не се наигра, туку запиша само 499 минути. Оваа сезона кога екипата од Марсеј го објави тимот за Лигата на Европа без неговото име, на сите им стана јасно дека за него нема место веќе. Се разбира, сега се поставува прашањето зошто се уште го трпат? Го молеа да замине од клубот, но тој не сакаше.

Врв на ситуацијата е неговото играње во четвртата лига. Затоа што не го напушти тимот, а за него нема место таму, овој викенд тој настапи за Б тимот на Олимпик Марсеј против Јер.

Изгледа дека Абденур нема ништо против да игра во четврти ранг се додека на неговата сметка легнуваат 2.7 милиони евра.