петок, 26. ноември 2021. Вести денес: 152
home Фудбал

Барселона сака да го назначи Чави на тренерската позиција

Барселона сака да го назначи Чави на тренерската позиција

Барселона има намера да го назначи поранешниот играч од средниот ред на клубот Чави за главен тренер. Каталонците се надеваат дека ќе успеат да ги средат сите детали во текот на денешниот ден, пренесува телевизијата „El Chiringuito“.

Некои од играчите на каталонскиот фудбалски великан веќе разговарале со 41-годишниот стручњак.

Чави најголемиот дел од кариерата го одигра за Барселона (1998-2015) и има освоено 25 трофеи со клубот, вклучувајќи четири победи во Лигата на шампионите и осум титули во шпанското првенство. Во 2015 година се пресели во Ал-Сад, а во 2019 година ја започна својата тренерска кариера во катарскиот клуб и освои седум трофеи со тимот, вклучувајќи го и првенството.

Ноќеска, главниот тренер на Барселона Роналд Куман беше отпуштен по поразот од Рајо Ваљекано. Претходно Барса загуби на домашен терен од Реал Мадрид (1:2) во Класико.

Тимот со 15 освоени бодови на 10 натпревари се наоѓа на 9. место на табелата во Ла Лига. Во Лигата на шампионите Барса има три бода од можни девет и го зазема третото место во групата.

Коронавирус