сабота, 22. февруари 2020. Вести денес: 54
home Фудбал

Баерн може да го привлече незадоволниот Иско

Баерн може да го привлече незадоволниот Иско

Иско е во тешка ситуација во Реал Мадрид. Дваесет и шест годишниот играч од средниот ред има само периферна улога под водство на новиот тренер Сантијаго Солари и заради тоа, гласините за неговото евентуално заминување се интензивираат.

И според италијанскиот експерт за трансфери, Танкреди Палмери, Баерн Минхен пројавува најсериозен интерес. Баварците веќе објавија дека ќе одвојат сериозна сума во текот на летото за да направат промени во нивниот состав, откако бараат плејмејкер – улога во која одлично се снаоѓа шпанскиот репрезентативец.

Иско може дури и да замени друг играч на Реал Мадрид, Хамес Родригез ако Баерн одлучи да не ја користи клаузулата на Колумбиецот за откуп.

Според шпанските медиуми, Иско не тренира добро во последно време и затоа Солари не го користи многу. Претходно, под водство на Хулен Лопеги, Иско беше постојан стартер.

За Баерн, сепак, нема да биде лесно да го привлече Иско, бидејќи Ливерпул, Манчестер Јунајтед, Манчестер Сити и Јувентус исто така се заинтересирани за него.