понеделник, 18. јануари 2021. Вести денес: 98
home Фудбал

„Англија е фаворит, но ние сакаме да играме против големи тимови“

„Англија е фаворит, но ние сакаме да играме против големи тимови“
epa06876349 Croatia's Luka Modric (front L) and his teammates attend their training session in Moscow, Russia, 09 July 2018. Croatia will face England in their FIFA World Cup 2018 semi final soccer match on 11 July 2018 in Moscow. EPA-EFE/ABEDIN TERKENAREH

Хрватскиот фудбалер Дејан Ловрен истакна дека неговата репрезентација нема што да загуби во полуфиналето на Светското првенство во Русија.

Хрватска се пласираше меѓу четирите најдобри во светот, а сега ако ја победи Англија има можност првпат да се најде во финале на Мундијал.

– Англија е еден од фаворитите за освојување на титулата и тоа мора да го почитуваме. Но, ние сакаме да играме против големи тимови. Тоа го покажавме против Аргентина и нема што да загубиме, наведе Ловрен.

Англија, која последен пат се пласираше во полуфинале во 1990 година, во своите редови го има најдобриот стрелец на турнирот Хари Кејн.

– Кејн е еден од најдобрите напаѓачи во Премиер лигата. Ги заслужува сите пофалби и сета доверба, која му се укажува. Во последните неколку сезони постигна многу голови и со право се смета за еден од најдобрите играчи во светот, истакна хрватскиот фудбалер.

Полуфиналниот натпревар меѓу Англија и Хрватска се игра утре од 20 часот во Москва.

МИА

Коронавирус