четврток, 26. ноември 2020. Вести денес: 103
home ТВ и Филм

Сите го гледаат овој филм од 2011-та година поради епидемијата на коронавирусот (ВИДЕО)

Сите го гледаат овој филм од 2011-та година поради епидемијата на коронавирусот (ВИДЕО)

„Contagion”, трилерот на Стивен Содерберг од 2011 година, се појави помеѓу најбараните филмови на стриминг сервисите по избивање на епидемијата на коронавирус во Кина.

Филмот, чија приказна се занимава со ширење на нова и смртоносна болест, се појави помеѓу најгледаните на топ листата на “iTunes” заедно со насловите номинирани за Оскар како “Joker”, “Once Upon a Time in Hollywood” и многу други.

„Contagion” започнува кога Елизабет (Гвинет Полтроу) се разболува во текот на деловното патување во Хонгконг. Откако ќе се врати дома, нејзините симптоми стануваат сè посериозни и таа умира. Набрзо на сите им станува јасно дека се соочуваат со нова, смртоносна болест чиј извор е во Кина.

Медицинските работници и истражувачите пробуваат да го сфатат и спречат ширењето на болеста, која не само што уништува човечки животи туку и цел социјален поредок додека брзо прераснува во епидемија.

Сличностите со ситуацијата која изби во Кина 9 години по премиерата на филмот се зачудувачки – токму како и на екранот, авиокомпанијата Бритиш Ервејс ги забрани сите летови од и кон Кина, каде засега починаа 132 лица како последица од болеста.

Во „Contagion”, главните улоги ги имаат Марион Котјард, Брајан Кренстон, Мет Дејмон и Џад Лоу. Покрај нив се појавуваат и Кејт Винслет и Лоренс Фишбрн.

Коронавирус