среда, 25. ноември 2020. Вести денес: 171
home ТВ и Филм

Џилијан Андерсон во улога на Маргарет Тачер

Џилијан Андерсон во улога на Маргарет Тачер

Во 1990-тите години, Џилијан Андерсон се прослави со улогата на специјалната ФБИ-агентка Дејна Скали во серијата „Досие Икс“… Потоа, поради нејзината црвенокоса хероина, таа беше прогласена и за една од најсексапилните жени во светот.

Така, сега Андерсон, која на почетокот од шестата деценија од животот изгледа исто толку одлично, ќе ја глуми „железната дама“ на Велика Британија – Маргарет Тачер, во најмалку шест епизоди од ТВ-серијата „Круна“ (The Crown). Првата од нив беше прикажана вчера.

Носењето „специјална перика, болни чевли и непријатни најлон-хулахопки“, како што вели глумицата, се чини, ја направи прилично успешна копија на предводничката на „ториевците“, во четвртата сезона од серијата.

-Ги надминав предрасудите за Маргарет Тачер. Го гледав секое видео што требаше да го погледнам за неа. Го погледнав нејзиното однесување, верувањата, убедувањата, како оди, зборува и се движи. Сево ова дефинитивно ми помогна. Но, никогаш во животот не би носела чевли какви што таа носела, ниту пак непријатни најлон-чорапи. Но, без нив, јас не би го совладала одењето. Косата и шминката навистина траеја долго – скоро час и половина, раскажува Џилијан.

Сепак, на крајот таа го оцени своето отелотворување на ликот на Тачер како вистинско задоволство.

Маргарет Тачер, претходно ја толкуваа Мерил Стрип, Андреја Рајсборо и Линдзи Данкан. (МИА)

Коронавирус