вторник, 26. мај 2020. Вести денес: 20
Актуелна тема

Од минута во минута за ситуацијата со коронавирусот во Македонија и светот

home Познати

Стрејсенд со шокантна изјава жртвите на Џексон, фановите згрозени

Стрејсенд со шокантна изјава жртвите на Џексон, фановите згрозени

Барбара Стрејсенд ја разбесни јавноста со изјавата за Вејд Робсон и Џејмс Сејфчек кои во документарниот филм “Leaving Neverland” го обвинија Мајкл Џексон за сексуално злоставување.

76-годишната пејачка и актерка во интервју за “The Times of London” изјавила дека тие двајца “биле воодушевени што се таму” и дека, што и да им се случило, “не ги убило”.

“Може да се каже дека се “злоставувани”, но тие деца, како што слушнавте, биле воодушевени што се таму. И двајцата се оженети и имаат деца така што тоа не ги убило”, изјавила Барбара.

Но, не застанала со бизарните изјави. Таа додала и дека “жали за нив двајца како и за Џексон” и изјавила дека “сексуалните потреби на Мајкл биле негови сексуални потреби” и дека вината треба да се бара кај родителите на жртвите. Вели и дека верува во наводите на Робсон и Сејфчек.

“Неговите сексуални потреби биле негови сексуални потреби, генетски предизвикани или од детството кое тој го имал. Жал ми е за децата, жал ми е за него. Ги обвинувам родителите кои им дозволиле на децата да спијат кај него”, вели пејачката.

“Не ги убило, Барбара дали навистина го кажа тоа?!”, напишал режисерот на филмот Дан Рид на Твитер, а нејзините изјави покренале лавина од коментари на социјалните мрежи.

“Ми се гади од ова”, “За мене е готова. Засекогаш”, “Ќе ги запалам нејзините плочи по ова”, се само дел од коментарите.

Коронавирус