понеделник, 18. ноември 2019. Вести денес: 92
home Познати

Не договарајте состаноци пред 10 часот, советува Џеф Безос

Не договарајте состаноци пред 10 часот, советува Џеф Безос

Џеф Безос, најбогатиот човек на светот тврди дека ова се три клучни стратегии за продуктивност. Тој советува: Имајте доволно спиење, не закажувајте состаноци пред 10 часот наутро и донесувајте само неколку одлуки на ден.

Безос е основач и извршен директор на „Амазон“, тој исто така е сопственик на „Вашингтон пост“ и основач на фонд вреден 2 милијарди американски долари, за да им помогне на бездомните семејства и да создаде нова мрежа на предучилишни установи во области со ниски приходи.

Мислевте дека Безос започнува со работа пред зори, има повеќе од 10 состаноци на ден и носи важни одлуки секоја недела. Вистината е всушност различна, пренесува Investitor.me.

Студиите покажуваат дека добариот сон ни помага да размислиме појасно, подобро да ги запамтиме информациите и да носиме подобри одлуки. Кога не добиваме доволно квалитетен сон, тоа ни ја загрозува нашата „извршна функција“ – збир на способности потребни за добро извршување на задачите во училиште, на работа и во други области од секојдневниот живот.

Безос оди во кревет рано за да си обезбеди осум часа спиење, затоа што како што вели, тогаш мисли подобро, има повеќе енергија и подобро е расположен.

За разлика од директорите кои денот го започнуваат зори, Безос сака да го започне утрото со шолја кафе, весник и појадок со семејството.

За некои, ова изгледа како целосно губење време, но Безос така се подготвува за денот. Она што е уште поинтересно е што тој претежно ги завршува средбите со ручек.

Како извршен директор, Безос изјави дека негова примарна работа е да носи мал на број, но квалитетни одлуки. Тоа не значи дека одлуките ги носи споро, туку смета дека за одржување на енергијата и динамиката во компанијата морате да донесете одлуки со висок квалитет, релативно брзо , што е доста едноставно за старт ап, а многу предизвикувачки за голема компанија.

„Ако донесам три добри одлуки на ден, тоа е доволно“, рече тој.
Затоа Безос работи на тоа да носи клучни одлуки со кои компанијата ќе оди напред, па затоа еднаш изјави

Иако Амазон е голема компанија , сакам да има срце и душа.