вторник, 7. декември 2021. Вести денес: 129
home Познати

Има 83 години, а позира за насловната на „Вог“: Џејн Фонда го краси култното списание

Има 83 години, а позира за насловната на „Вог“: Џејн Фонда го краси култното списание

Џејн Фонда, филмска и телевизиска sвезда која оваа година ќе полни 84 години, се појавува во октомврискиот број на „Вог“, на изданието за Полска. Насловот гласи „Храброст“, а минале точно 62 години откако таа првпат ја красеше насловната страница на култното модно списание.

Фонда избра елегантна, целосно црна комбинација за новата насловна страница – блуза и панталони надополнети со шешир, кожен ремен и златен капут. Двократната добитничка на „Оскар“ вели дека е возбудена што ја споделува фотографијата со своите следачи на Инстаграм, припишувајќи заслуги за нејзиниот изглед на стилистката Мери Игнасио, фризерот Џонатан Ханусек и шминкерот Дејвид де Леон.

Фонда првпат се најде на насловната страница на „Вог“ во јули 1959 година.

Таа инаку, неодамна објави и книга со наслов „Што можам да направам? Патот од климатски очај до акција”, која стана дел од многу книжевни клубови.

Покрај тоа, глумицата во моментот е актуелна со седмата сезона на комедијата „Грејс и Френки“ на Нетфликс, во која таа ја глуми главната улога, заедно со Лили Томлин. (МИА)

Коронавирус