среда, 14. ноември 2018. Вести денес: 111
home Музика

Лозано повторно заљубен, ја соблече згодната Билјана (ВИДЕО)

Лозано повторно заљубен, ја соблече згодната Билјана (ВИДЕО)

Пејачот Влатко Лозаноски денеска на Youtube ја промовираше својата нова песна насловена како „Надеж“.

– Ви ја подарувам мојата 4-та песна за оваа година насловена „Надеж“ – напиша тој на својот Youtube канал.

Во видео-записот му прави друштво атрактивна девојка, со која Лозано изгледа како повторно заљубен.

Тој првпат сними видео во кој е во малку послободно издание, па ги изненади своите обожаватели. Лозано во спотот ја гушка, бакнува и соблекува манекенката Билјана Шкортова, која ја има главната женска улога во видеото. Тој доби пофалби за песната, но и комплименти за видеото.

„’Надеж’ е песна во која многу верувам и знам дека ќе ѝ се допадне на публиката. Песната и спотот се снимени уште на почетокот на годината, го имам истиот имиџ како и на ‘Километри”. Со мојот тим решивме дека сега е одлично време да ги почестиме љубителите на македонска музика со оваа балада“, вели Лозано.

Баладата „Надеж“ ја напишаа Лазар и Магдалена Цветкоски, а спотот го изработи „Веста продукција“.

Новата песна е дел од третиот албум на Лозано „Десет“, на кој ќе се најдат и „Километри“, „Јако, Јако“, „Камо тебе да те имам“, „Мандарина“, „Жена како ти“, „Како тебе нема друга“, „Пред да се раздени“ и „Бонбона“.