вторник, 20. август 2019. Вести денес: 88
home Скопје

Во изминативе седум дена санкционирани 289 непрописно паркирани возила во општина Центар

Во изминативе седум дена санкционирани 289 непрописно паркирани возила во општина Центар

ЈП Паркинзи на општина Центар и општината во соработка со Сообраќајната полиција-Скопје во изминатите седум дена санкционираа 289 непрописно паркирани возила кои го попречувале нормалното и безбедно одвивање на сообраќајот.

Во периодот од 22.07. до 28.07.2019 година, со помош на специјалните возила „Пајак“ на ЈП ПОЦ отстранети се 135 непрописно паркирани возила, а со поставување на механичко средство „Блокатор“ санкционирани се 154 возила кои биле затекнати во резидентни зони, а не биле корисници-резиденти на секторот во којшто биле паркирани.

-ЈП ПОЦ и Општина Центар континуирано ќе ја спроведуваат оваа мерка, и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците, порачуваат тие.