сабота, 28. ноември 2020. Вести денес: 0
home Скопје

Шилегов се предомисли: Службениот „Мерцедес“ на Трајановски не загадувал, наместо лепицанер Чомбе ќе добие службено возило

Шилегов се предомисли: Службениот „Мерцедес“ на Трајановски не загадувал, наместо лепицанер Чомбе ќе добие службено возило

Градоначалникот на Град Скопје, Петре Шилегов на почетокот на годинава излезе со информација дека службениот „Мерцедес“ на неговиот претходник Коце Трајановски премногу загадувал и затоа истиот ќе биде продаден.

Наспроти ветувањето, Шилегов денес се предомисли и реши да не го продава Мерцедесот од 2003-та година. Истиот ќе го поклони на скопската зоолошка.

Советниците на ВМРО-ДПМНЕ беа против, како што рече Светлана Колариќ, дволичниот популизам на градоначалникот Шилегов.

– Зошто ова возило загадувало на почетокот на годината, а сега не сте загрижен дека загадува, па што не му доделите еден лепицанер на директорот Ѓорѓи Гелетановски-Чомбе доколку тоа ви е врв на грижата, изјави советничката Колариќ.

Советничката Ирена Попова посочи дека Шилегов изјавуваше дека возилото е небезбедно, а сега го дава на Зоолошката градина, што значи дека дава на употреба небезбедно возило.

На ова Шилегов изјави дека возилото не можело да постигне висока пазарна цена и затоа не се продава.

Коронавирус