сабота, 1. октомври 2022. Вести денес: 57
home Скопје

Продолжува акцијата за чистење на сметот во Кисела Вода

Продолжува акцијата за чистење на сметот во Кисела Вода

Општина Кисела Вода продолжува со акцијата за расчистување на сметот во сите месни и урбани заедници на својата територија.

-Имено, со оваа акција од почетокот на оваа работна недела беше опфатено расчистување на отпадоците од улиците, тревните површини и парковите во УЗ „Цветан Димов“ каде беа собрани околу 4 тони смет, додека пак во УЗ „Кисела Вода“ беа собрани околу 3 тони смет. Денес оваа акција продолжува да се одвива во урбаните заедници „Црниче“ и „Расадник“, додека пак веќе за почетокот на наредната работна недела планирана е акција за расчистување на УЗ „Бирарија“ и МЗ “Пинтија“, информираат од Општината.

Во текот на мината недела се чистеше и во урбаните заедници „11 Октомври“ –  Бараки и „Драчево“ каде беа собрани вкупно 7 тони смет.

Локалната самоуправа за успешно спроведување на овие активности кои сеуште се во тек преку Секторот за месна самоуправа и социјална заштита ги вклучи своите сезонски работници.

Општина Кисела Вода и во иднина ќе продолжи да вложува максимални напори за почиста и поздрава животна средина и повторно апелира до сите граѓани за совесно однесување и почитување на Законот за јавна чистота.

Коронавирус