среда, 26. февруари 2020. Вести денес: 158
Актуелна тема

Од минута во минута за ситуацијата со коронавирусот во Македонија и светот

home Скопје

Останете дома вечерва, а автомобилите паркирајте ги на безбедно: Силен ветер во Скопје, откорнати дрвја

Останете дома вечерва, а автомобилите паркирајте ги на безбедно: Силен ветер во Скопје, откорнати дрвја

Во Скопје вечерва дува силен ветер со брзина од околу 70 километри на час. Во делови од градот има откорнато покриви и дрвја кои го попречуваат сообраќајот. Во скопската населба Хром кратко време имало и премин на напојувањето со електрична енергија.

Град Скопје на официјалната Фејсбук страна ги предупреди граѓаните да се воздржат од непотребни излегувања од домовите и да избегнуваат прошетки под дрвореди, а возилата да не ги паркираат под крошните на дрвјата.

-Градските екипи се подготвени за расчистувањето на снегот, а од „Паркови и Зеленило“ се веќе на терен каде ги подигнуваат паднатите гранки и дрвја, пишува на официјалната страна на Град Скопје на Фејсбук.

Управата за хидрометеоролошки работи најави од вечерва промена на времето со пад на температурите, дожд и снег.