петок, 15. октомври 2021. Вести денес: 133
home Скопје

Начевски: Во изминативе 4 години бевме сведоци на целосно запуштање и руинирање на спортот во Република Македонија

Начевски: Во изминативе 4 години бевме сведоци на целосно запуштање и руинирање на спортот во Република Македонија

Во изминативе 4 години бевме сведоци на целосно запуштање и руинирање на спортот во Република Македонија како на централно, но особено ова е видливо на локално ниво. Анализата која ја направивме како комисија за спорт, покажува фрапантни податоци за негрижата кон спортската инфраструктура која е оставена на забот на времето и нејзино целосно уништување, без оглед дали станува збор за спортски сали, мултинаменски спортски терени или фитнес зони. Поддршката кон спортските клубови е уште поочајна. Клубовите се во тешка финансиска состојба буквално преживувајќи од месец во месец. Ниту нивниот ,,грандиозен’’ проект спортски ваучер не ги даде посакуваните резултати па наместо помош за клубовите и спортистите се претвори во средство за рекет и уцени, изјави на денешната прес конференција, Ѓорги Начевски од ВМРО-ДПМНЕ.

Тој рече дека според согледување на оваа состојба, како комисија во тесна соработка со кандидатите за градоначалници на ВМРО-ДПМНЕ, тие составиле обемна и амбициозна програма за спорт со специфики за секоја општина, за секое населено место.

– Почнувајќи од реконструкција на спортската инфраструктура која беше запуштена изминативе години и нејзино ставање во функција и на располагање на спортистите и на граѓаните. Преку 60 нови спортски сали, голем број мултинаменски терени, фитнес зони на отворено, велосипедски патеки, трим патеки за рекреација и поддршка на рекреативниот и аматерскиот спорт! Двојно ќе го зголемиме буџетот за спорт во општините од сегашните 2% на 4% или 5% за конечно клубовите и спортистите да добијат вистински партнер во локалната самоуправа како што и заслужуваат. Поголема едукација на спортските работници, повеќе средства за посета на семинари но и носење на стручен кадар од европските земји кои ќе ги пренесат своите искуства и знаења за подобар и поорганизиран спорт! Во таа насока, ние како комисија за спорт би сакале да ве повикаме сите вас, искрени љубители на спортот, да ги поддржите кандидатите на ВМРО-ДПМНЕ во градот Скопје и за Градот Скопје, но и секаде низ Република Македонија. Вие знаете дека ние ги исполнуваме нашите ветувања, а вие можете да направите разлика како било тоа во минатото, појасни Начевски.

Тој повика да се заокружи бројот 7 за кандидатите за градоначалници и советничките листи, како и бројот 82 за кандидат за градоначалник за Град Скопје, за подобри услови за спортот, за подобри услови за спортистите, за подобри спортски резултати!

Коронавирус