петок, 13. декември 2019. Вести денес: 122
home Скопје

Костовски до Смилевски: До кога со лаги и дефокусирање, фатете се за работа

Костовски до Смилевски: До кога со лаги и дефокусирање, фатете се за работа

Најнапред, би сакал да го прашам Смилевски кога вели “душмани” дали мисли на сите 2000 членови на ВМРО-ДПМНЕ ОК Бутел или на сите 8000 граѓани кои на последните избори го подржаа ВМРО-ДПМНЕ? Дали политичкиот противник или опозицијата е нормално да се нарекува душмани и дали чуствува дека треба да се извини пред јавноста за стореното? Пред уште еднаш да образложам и појаснам зошто оваа локална самоуправа во Бутел е најнеспособната до сега, сакам јавно да го повикам Велимир Смилевски на ТВ дуел на телевизија која самиот ќе ја одбере, но знаејки дека тоа нема да се случи, ќе поентирам во овој текст, реагира Дарко Костовски, претседателот на ОК Бутел на ВМРО-ДПМНЕ и додава:

„Смилевски во својата реакција на мојата изјава со која го критикував сиромашниот отчет посочи дека требало подобро да го прочитам отчетот за двегодишниот мандат кој беше даден пред неколку дена. Отчетот го прочитав многу прецизно и еве јавно се извинувм дека сум заборавил да споменам дека сте смениле и неколку сијалици на мрежата за улично осветлување во општината. Како што посочив, прецизно го проследив отчетот, но многу попрецизно следам што спроведувате од ветената програма и тука е клучот на мојата реакција. Затоа, те замолувам да не ги дефокусираш грѓаните и по втор пат да одговориш на поставените прашања.“

Косотвски упатува прашање до градоначалникот на Општина Бутел Велимир Смилевски, до каде се ветените проекти:

1. Поликлиника во Бутел?

2. Гасификација на цела Општина Бутел?

3. Парно греење на територија на општината?

4. Нови градинки во Расадник и Љубанци?

5. Уредување на коритото на реката Серава?

6. Против пожарен пункт?

7. Нови зелени пазари?

8. Плоштад во Бутел 1?

9. Водовод во село Љуботен?

10. Водовод во село Љубанци?

11. Ново училиште до петто одделение во Љуботен?

-Ова се фактите околу кои треба да се размислува. Сето ова што е погоре наведено се големите и сериозни проекти кои се ветени од страна на Смилевски и Заев, а до овој момент не се ни размислува за нивна реализација. Се согласувам дека вие менувате сијалици и закрпувате дупки на некои улици, но уште еднаш ве прашувам што е со овие ветени големи проекти? Објаснете им на граѓаните, нив ги излажавте, подвлекува Костовски.